推捒：朴宰燦 Park JaeChan

想beh將生活過kah幸福 幸福就是會記得家己是啥物人 然後做予家己會歡喜ê 代誌 最近ê快樂是做迷眾逐韓國藝人kah 寫BL。

朴宰燦 Park JaeChan 박 재찬

22歲，INTP，射手座。

    相片看起來細細仔隻，其實伊有177公分懸，肩胛頭誠闊，只是傷瘦，koh 和193公分ê朴栖含搬對手戲，視覺懸度若168。     2001生，DKZ成員，佇團裡主要擔任RAP ê 工課，嘛會曉做曲寫詞，雖然認為家己是驕傲性感ê 型，毋過佇團裡ê 偏名是公主kah貓，是受眾人保護服務ê對象，鬥陣做穡ê人攏呵咾伊巧koh古錐，普通人ài開一點鐘理解ê 代誌，伊10分鐘就會當處理予好（這是雜誌社ê人kā呵咾ê，語意錯誤ê導演mā 講伊真正是有天份ê 人）

    是袂出100分ê力ê藝人，佇團體內底不管時會無電抑是失神，但是因為演出語意錯誤，目前DKZ內底相對khah受歡迎ê成員。

    聽起來伊受媽媽影響tsiok 深，是對新事物攏khah接受ê彼種人；通常韓國idol袂去刺字，特別伊koh是行青春路線ê DKZ，結果20歲就佇胸掛骨hia刺一片宇宙圖，koh有和媽媽討論圖樣。     對待演出BL ê 態度mā 誠開放，認為「異性戀故事mā有可能有人無佮意，袂當講BL就毋是主流，當做作品來看就好」。     可能是我這幾冬看過變化上濟ê藝人，唱歌跳舞、演戲、翕雜誌ê 時陣攏無仝型，真正會懷疑敢是仝一个人ê 彼種程度，會當講是千面idol mā 袂傷譀；雜誌相片愈穿愈少，最近翕ê 攏有展胸掛骨ê 彼片宇宙。

    寫kah 無啥吸引人ê 感覺mā 是想beh寫，因為伊蓋古錐，就按呢

#朴宰燦 #DKZ #디케이지 #박재찬 #韓國

#시맨틱에러 #SemanticError #語意錯誤

#台語文 #Taiwanese