推捒：朴宰燦參加《語義錯誤》電影版放送

    Iáu-siū優秀，害我m̄知對佗位開始介紹..     最近宰燦活動蓋濟，雖罔我介紹khah 慢，但是會盡量詳細，向望逐家會當感受tio̍h 伊迷人ê 所在。

Park JaeChan 박재찬 朴宰燦

    DKZ成員Park JaeChan 16號半暝出席伊演出ê《語意錯誤》電影版佇富川奇幻影展ê上尾場放送，佇電影放送進前上台和觀眾答謝。

    受富川電影節邀請，原底8集，一集20分ê BL電視劇語意錯誤，改做電影178分鐘版本，佇電影節有三場放送。

    頂禮拜三，其他主要演員kah 導演有和觀眾tī 放送結束了後相見，和當咧做兵ê Park SeoHam mā專工請假，kah 新ê 經紀公司代表做伙看家己ê 作品tī電影螢幕放送（聽講是閉思kah 強欲挖空跳落去）但是彼陣JaeChan kah DKZ 其他成員飛去巴西準備參加K-expo，無通做伙行紅地毯、參加活動，koh 引起buē 少人對DKZ公司ê 歹意。

    M̄-koh就佇beh出發彼工，韓國青龍獎今年替OTT放送平台辦ê 第一屆青龍系列獎，宣佈SeoHam kah JaeChan 同齊入圍新人男演員，m̄是隨人隨人，是in 兩个聯合hōo人提名，若tio̍h獎，就做伙領獎ê 意思。（有人講這代表主辦單位認為in 兩个tī 這齣戲ê 表現是互相影響才有遐好看，換人可能就無法得，這種評論敢m̄是beh hōo阮tsia--ê CP迷眾歡喜死XD）

    Tsa̋ng JaeChan佇舞台頂kah 觀眾答謝，有幾个重點和逐家分享：

    1. Kah SeoHam正式見面都猶未到一冬（舊年十月底讀劇本是頭一改）會當得tio̍h 遮爾濟愛kah關心真正是奇蹟，以後mā 會為tio̍h 維持這份愛意繼續拍拚。     2. 後齣戲猶未決定，為tio̍h莫hōo逐家失望，當咧好好仔揀適合ê 劇本，會拍拚成做koh-khah好ê演員Park JaeChan。     3. 上佮意佇籃球場告白ê戲，騎跤踏車傱去揣前輩告白過程中有足濟頭前ê記持那teh放送，和看電視劇ê時陣JaeChan本人mā險仔哭出來，因為傷濟拍戲現場ê 記持矣，koh是規齣戲主角面對感情ê重要部份，所以等咧請逐家好好仔欣賞。

    （答謝結束了後，JaeChan有佇現場小看一下仔電影，但是無看完就先離開矣）

    M̄管JaeChan感情生活事實是按怎，伊是誠巧、誠了解迷眾想beh 聽啥物話ê IDOL，所以咧講tioh「維持這份愛意」ê 時無講主語，你會當解說講是迷眾對伊ê愛，mā會當講是維持kah SeoHam ê 愛

    誠期待伊7/19佇青龍系列獎ê紅地毯穿插，mā希望目前屬於Npio公司ê Park SeoHam有機會通出席青龍獎頒獎典禮，hōo in有通做伙出現

    

    請逐家鬥發願

#朴宰燦 #DKZ #디케이지 #박재찬 #韓國

#시맨틱에러 #SemanticError #語意錯誤

#台語文 #Taiwanese

#青龍獎 #新人男演員 #人氣賞